«Սա դեռ սկիզբն է». Նեթանյահու

Իսրայելի վարչապետ Բենիամին Նեթանյահուն ասել է, թե բանակի գործողությունը, որն իրականացվել է ի պատասխան «Համաս»-ի գրոհների՝ «դեռ սկիզբն է»: Այդ մասին հայտնում է Times of Israel պարբերականը:

Նրա խոսքով, Իսրայելը միջազգային մեծ աջակցություն է ստանում։ Բենիամին Նեթանյահուն ասել է, թե ժամանակ կպահանջվի «Համաս»-ը ոչնչացնելու և հաղթանակի հասնելու համար, սակայն Իսրայելն «այս պատերազմը կավարտի ավելի ուժեղ, քան երբևէ»։

«Մենք երբեք չենք մոռանա և չենք ների մեր թշնամիների կատարած վայրագությունները, երբեք թույլ չենք տա, որ աշխարհը կամ որևէ մեկը մոռանա: Նման բան տասնամյակներ շարունակ չէր իրականացվել հրեա ժողովրդի դեմ: Մենք թշնամիներին աննախադեպ ուժով կպատասխանենք: Ընդգծեմ՝ սա դեռ սկիզբն է»,- ասել է Իսրայելի վարչապետը: