Դատախազությունը և իրավապահ ողջ համակարգը ծառայում են օրվա քաղաքական իշխանության ապօրինի վարքագիծը օրինականացնելուն․ Արծվիկ Մինասյան

Ակնհայտ է, որ դատախազությունը, որպես այսօրվա իշխանության, քաղաքական մեծամասնության ամենաարտահայտված կառույց հստակ որդեգրել է երկակի ստանդարտ և այդ երկակի ստանդարտի մեջ մշտապես տուժում է այն հատվածը, որը չի կիսում այս իշխանությունների տեսակետը։  Այս մասին ԱԺ ճեպազրույցի ժամին ասաց ՀՅԴ ԳՄ անդամ, ՀՀ ԱԺ «Հայաստան» խմբակցության պատգամավոր Արծվիկ Մինասյանը։

«Իրենց ամենօրյա գործողություններով դատախազությունը և իրավապահ ողջ համակարգը ծառայում է օրվա քաղաքական իշխանության նույնիսկ ապօրինի վարքագիծը օրինականացնելուն»,- ասաց նա։

Անդրադառնալով կառավարության հետ հարցուպատասխանին Արծվիկ Մինասյանը նշեց, որ սա աննախադեպ էր իր տևողությամբ․ «Այնտեղ հնչել են տեսակետներ, որոնք մեր կողմից ընդունելի չեն»,- ասաց նա։