Գերմանիայում օդանավակայանների աշխատակիցների գործադուլի պատճառով հարյուրավոր չվերթներ են չեղարկվել

Ավելի վաղ Verdi արհմիության կողմից հայտարարված Դյուսելդորֆի, Համբուրգի եւ Քյոլն-Բոննի օդանավակայանների աշխատակիցների գործադուլի հետեւանքով չեղյալ են հայտարարվել հարյուրավոր չվերթներ:

Ինչպես հայտնել էինք, ավելի վաղ Verdi-ն հայտարարել էր հինգշաբթի եւ ուրբաթ գործադուլի անցկացման մասին, որի ընթացքում Դյուսելդորֆի, Համբուրգի եւ Քյոլն-Բոննի օդանավակայանների ոլորտի աշխատակիցները կպահանջեն բարձրացնել հավելավճարները արտաժամյա աշխատանքի եւ անկանոն գրաֆիկի համար:

Համբուրգի օդանավակայանի տվյալներով, որը հրապարակվել է օդանավակայանի կայքում, գործադուլի անցկացման երկու օրերին էլ չեղարկվել են բոլոր 308 կանոնավոր չվերթները: Չեղարկման տվյալները կանդրադառնան ընդհանուր առմամբ 80,000 ուղևորի վրա:

Դյուսելդորֆի և Քյոլն-Բոննի օդանավակայանների մամուլի ծառայության հայտարարությունների համաձայն՝ գործադուլը կհանգեցնի աշխատանքի զգալի խափանումների, սակայն չեղարկված չվերթների ճշգրիտ թիվը չի նշվում: