Ադրբեջանական ԶԼՄ-ները հայտնում են Իրանի հետ սահմանին փոխհրաձգության մասին

Ադրբեջանական ԶԼՄ-ները հայտնում են Իրանի հետ սահմանին փոխհրաձգության մասին։ Պետական սահմանային ծառայության տվյալներով՝ կրակ է բացվել սահմանը խախտողի ուղղությամբ։

«Ֆիզուլիի շրջանի Բիրինջի Մահմուդլու գյուղի մոտ երկու սահմանախախտ են նկատվել։ Չնայած սահմանապահների զգուշացմանը՝ նրանք փորձել են փախչել դեպքի վայրից։ Սահմանապահ ջոկատը զենք է կիրառել, ինչի հետեւանքով խախտողներից մեկը ոտքից վիրավորվել է։

Նրանցից մեկի մոտ դաշույն է հայտնաբերվել։ Բժշկական օգնություն ցուցաբերելուց հետո վիրավոր օրինախախտը տեղափոխվել է Ֆուզուլիի շրջանի հիվանդանոց։ Խուզարկությամբ բերման ենթարկվածների մոտ հայտնաբերվել է 6 կգ 400 գ մարիխուանա, մետամֆետամին, 1000 հաբ «կապապրել» եւ 1 դանակ»,- ասվում է հաղորդագրության մեջ։