Երեւանը հրաժարվել է մասնակցել խաղաղության պայմանագրի նախապատրաստման շուրջ՝ արտգործնախարարների մակարդակով հանդիպմանը

Ռուսաստանի, Հայաստանի և Ադրբեջանի ԱԳ նախարարների հանդիպումը չի կայանա։ Այս մասին հայտնում է ՌԴ ԱԳՆ-ն։

Վաղը նախատեսվում էր Ռուսաստանի, Հայաստանի և Ադրբեջանի ԱԳ նախարարների հանդիպումը՝ խաղաղության պայմանագրի նախապատրաստման շուրջ, սակայն Երևանը հրաժարվել է մասնակցել։

Սերգեյ Լավրովը և Ջեհյուն Բայրամովը հեռախոսով քննարկել են իրավիճակը ռուսական խաղաղապահ զորախմբի պատասխանատվության գոտում, որը սրվել է Լաչինի միջանցքի փակման և տարածաշրջանում հանքավայրերի շահագործման շուրջ կողմերի միջև տարաձայնությունների պատճառով, հայտնում է ՌԴ ԱԳՆ-ն։

Լավրովն ընդգծել է Լաչինի միջանցքով Լեռնային Ղարաբաղի և Հայաստանի միջև անխոչընդոտ հաղորդակցության ապահովման վերաբերյալ եռակողմ պայմանավորվածությունների պահպանման խիստ անհրաժեշտությունը։