Բերձորի միջանցքով անցնող նոր ճանապարհը որոշ տեղերում արդեն վերանորոգման անհրաժեշտություն ունի

Ձմռան առաջին օրվա հետ, օրակարգում է ճանապարհների սպասարկման խնդիրը: Այս մասին հայտնում են Արցախի հանրային հեռուստաընկերության  պատրաստած ռեպորտաժում:

Պատասխանատուները վստահեցնում են, որ  պատրաստ են: Հատուկ ուշադրության կենտրոնում է լինելու Բերձորի միջանցքով անցնող նոր ճանապարհը: Այն սպասարկող կազմակերպությանը, անհրաժեշտության դեպքում, օգնության կհասնի նաև «Արցախուղին»:

Բերձորի միջանցքով անցնող նոր ճանապարհը որոշ տեղերում արդեն վերանորոգման անհրաժեշտություն ունի:

«Տեղեր կան արդեն շատ վատ վիճակում են, մի անգամ անձրեւ է եկել, արդեն ճաքեր կան, հողը գնում է»,-ասում է «Վահե Կարապետյան» ճանշահագործում ՓԲԸ տնօրեն Սամվել Ղուլյանը: