Մայիսին Սևանա լճի մակարդակը բարձրացել է 18 սանտիմետրով

Ինչպես հայտնում են ՀՀ ԱԻՆ «Հայհիդրոմետ» ծառայությունից, մայիսի սկզբի համեմատ Սևանա լճի մակարդակը բարձրացել է 18 սանտիմետրով, սակայն նախորդ տարվա մայիսի 31-ի համեմատ լճի մակարդակը ցածր է մնում 20 սանտիմետրով։

Սևանա լճի մակարդակը 2022 թվականի մայիսի 31-ի դրությամբ արդեն գտնվել է 1900 մետր 70 սանտիմետր բարձրության վրա։

Նույն աղբյուրի համաձայն՝ այս տարվա հունվարից մինչեւ մայիսն ընկած ժամանակահատվածում Արփա-Սևան թունելային ջրատարով, ներառյալ ստորջրյա հոսքը, Սևանա լիճ է տեղափոխվել 114 միլիոն 555 հազար խորանարդ մետր ջուր։ 

Սևան թափվող գետերում դիտվել է ջրի ելքերի որոշակի ավելացում։ Հրազդանի հունով ոռոգման նպատակներով առայժմ ջրբացթողումներ չեն իրականացվում։