Իսրայելն ուժեղացնում է իր ներկայությունն Արցախում` Իրանի սահմանների մոտ

Ադրբեջանում Իսրայելի դեսպան Ջորջ Դիկն այցելել է օկուպացված Կովսականի շրջանում  կառուցված «խելացի» գյուղը։ Իր թվիթում դեսպանը նշել է, որ իսրայելական ընկերություններն իրենց տեխնոլոգիաներով և նոու-հաուով ներկայացված են գյուղում։

Դիկը պնդում է, որ Իսրայելը շահագրգռված է պարենային անվտանգության հարցում և համագործակցում է Ադրբեջանի հետ այս ոլորտում, սակայն տարածաշրջանը Իսրայելի համար կարևոր է ոչ միայն իր բերրի հողի շնորհիվ։ Արցախի Քաշաթաղի շրջանն ուղղակիորեն սահմանակից է Իրանին, ինչը հատկապես գրավում է Իսրայելի հետաքրքրությունը։

Թեհրանը բազմիցս զգուշացրել է, որ Իսրայելի հետախուզական ծառայություններն ուժեղացնում են իրենց ներկայությունը Արցախում՝ Իրանի սահմանների մոտ։