Ռուսաստանը կարող է Վրաստանի և Հայաստանի միջոցով էներգետիկ կամուրջ կառուցել դեպի Իրան

Ռուսաստանը կարող է Վրաստանի և Հայաստանի միջոցով էներգետիկ կամուրջ կառուցել դեպի Իրան. Sputnik Abkhazia-ին ասել է էներգետիկայի հարցերով փորձագետ Բորիս Մարցինկևիչը։

Ըստ նրա՝ այժմ Իրանի հյուսիսը էներգիայի պակաս ունի․ Մոսկվան և Թեհրանը գտնվում են պատժամիջոցների տակ, ուստի ինչո՞ւ համագործակցություն չհաստատել՝ «ավելի վատ բան արդեն չի լինի»։

Մարցինկևիչը նշել է նաև, որ շարունակվում է փոխգործակցությունը կովկասյան երկրների էներգետիկ ենթակառուցվածների հետ, քանի որ «պատերազմը՝ պատերազմ, բայց վարդակում միշտ պետք է լինի 220 վոլտ»։ Բացի դրանից՝ էներգետիկ կամրջի կառուցումը Վրաստանի համար լծակ կլինի՝ հասկանալու, որ բարիդրացիական հարաբերություններն ավելի շահավետ են։