Թուրքիան Շվեդիային մեղադրում է PKK-ն ահաբեկչական կազմակերպություն ճանաչելու մասին ստելու մեջ

Թուրքիայի նախագահի աշխատակազմի հասարակայնության հետ կապերի բաժնի ղեկավար Ֆահրեթթին Ալթունը ուրբաթ «սուտ և ապատեղեկատվություն» է անվանել Շվեդիայի արտգործնախարար Անն Լինդի հայտարարությունը, թե Ստոկհոլմը Քուրդիստանի աշխատավորական կուսակցությունը (PKK) ճանաչում է որպես ահաբեկչական կազմակերպություն։

«Սա ապատեղեկատվություն է՝ հանուն ապատեղեկատվության դեմ պայքարի: Շվեդիան ջանք չի գործադրում դադարեցնելու շարունակական քարոզչությունը, դրամահավաքը և PKK-ի հավաքագրումը: Շվեդիան նաև զինել է ահաբեկիչներին, որոնք ահաբեկչություններ են գործել Թուրքիայում, մասնավորապես՝ մահապարտներին»,- գրել է Ալթունը Twitter-ի իր էջում՝ պատասխանելով Լինդի գրառմանը. «Ազնվությունը, Անն Լինդ, դա է լավագույն քաղաքականությունը։ Դուք նայում եք մեր աչքերի մեջ և շարունակում եք ստել»։