ԱՄՆ-ը հայտարարել է, որ անհնար է Ռուսաստանին բացառել ՄԱԿ-ի Անվտանգության խորհրդից

ՄԱԿ-ում Ամերիկայի Միացյալ Նահանգների մշտական ներկայացուցիչ Լինդա Թոմաս-Գրինֆիլդը հաստատել է Ռուսաստանին կազմակերպության Անվտանգության խորհրդի մշտական անդամի կարգավիճակից զրկելու անհնարինությունը. հայտնում է «ՌԻԱ Նովոստի»-ն։

«Նրանք Անվտանգության խորհրդի մշտական անդամ են։ Մենք չենք կարող սա փոխել։ Բայց մենք կարող ենք նրանց մեկուսացնել այս դիրքում։ Եվ մենք դա արեցինք։ Մեզ հաջողվել է մեկուսացնել նրանց։ Մենք նրանց մեկուսացրել ենք Անվտանգության խորհրդում»,- ասել է նա։

Ըստ Թոմաս-Գրինֆիլդի՝ Վաշինգտոնը պետք է աշխատի կազմակերպությունը բարելավելու ուղղությամբ և շարունակի օգտագործել այդ մարմինը՝ ճնշում գործադրելու համար։