Բայդենը 100 մլն դոլարի սպառազինման փաթեթ կստորագրի Ուկրաինայի համար

Ակնկալվում է, որ ԱՄՆ նախագահ Ջո Բայդենն ուրբաթ կամ հանգստյան օրերին 100 մլն դոլարի սպառազինման նոր փաթեթ կստորագրի Ուկրաինայի համար, հաղորդում է Reuters-ը՝ հղում անելով իր աղբյուրներին:

Պաշտոնյաներն անանունության պայմանով հայտնել են, որ վերջին փաթեթն, ամենայն հավանականությամբ, կներառի ավելի շատ զինամթերք այնպիսի համալիրների համար, ինչպիսին են հաուբիցները: Պենտագոնը հայտարարել է, որ արդեն 184 000 հրետանային արկ է ուղարկել Ուկրաինա:

Երկու պաշտոնական անձանց խոսքով՝ հայտարարությունը կարող է արվել արդեն առաջիկա 24 ժամվա ընթացքում:

Անցյալ ամիս Բայդենն Ուկրաինային 33 մլրդ դոլարի օգնության փաթեթ էր առաջարկել, այդ թվում՝ ավելի քան 20 մլրդ դոլար՝ որպես ռազմական օգնություն: