Չինաստանը կշարունակի Ռուսաստանի հետ լայնածավալ ռազմատեխնիկական համագործակցությունը

Չինաստանը կշարունակի Ռուսաստանի հետ ռազմատեխնիկական համագործակցությունը՝ բարձրացնելով դրա մակարդակն ու շրջանակը. մայիսի 5-ին հայտարարել է ՌԴ-ում Չինաստանի դեսպան Չժան Հանհոյը։ Այս մասին նա ասել է ՏԱՍՍ գործակալությանը տված հարցազրույցում։

Չժան Հանհոյը նշել է, որ ռազմատեխնիկական ոլորտում համագործակցությունը համապատասխանում է ինչպես Ռուսաստանի, այնպես էլ Չինաստանի հիմնարար շահերին, ինչպես նաև նպաստում է տարածաշրջանային կայունությանն ու զարգացմանը։

«Չինաստանը մեծ նշանակություն է տալիս այդ ոլորտում Ռուսաստանի հետ համագործակցությանը և աշխատելու է ռուսական կողմի հետ՝ ավելի բարձր մակարդակով և լայնածավալ ռազմատեխնիկական համագործակցությունը խթանելու համար»,- ասել է Չինաստանի դեսպանը։