Իսրայելը կօգտագործի Թուրքիայի օդային տարածքը Իրանի հետ պատերազմի դեպքում. Էրդողանի խորհրդական

Թուրքիան մտածում է Իսրայելին իր օդային տարածքը տրամադրելու մասին՝ ապագայում Իրանի դեմ պատերազմի դեպքում։ Այս մասին հայտնում է իրանական Qafqaz պորտալը՝ հղում անելով Թուրքիայի նախագահի խորհրդականին։

«Իսրայելն ու Իրանն ապագայում պատերազմի մեջ կլինեն, իսկ Իսրայելը կօգտագործի Թուրքիայի օդային տարածքը։ Մենք լավ հարաբերություններ ունենք Իսրայելի հետ»,- հեռուստատեսային հաղորդումներից մեկի ժամանակ ասել է Էրդողանի խորհրդականը։

Հիշեցնենք, որ Թուրքիան և Իսրայելը սկսել են հարաբերությունների կարգավորման գործընթացը, հատկապես՝ հրեա նախագահ Իցհակ Հերցոգի` Թուրքիա այցից հետո: Դրանից հետո Անկարան սկսել է երես թեքել պաղեստինցիներից, որի պաշտպանն էր իրեն հռչակում: