Թուրքիան «Բայրաքթար»-ներ է մատակարարել Տաջիկստանին. Ղրղզստանը դատապարտել է

Բիշքեկը մտադիր է Անկարայի հետ բանակցություններ վարել Տաջիկստանին «Բայրաքթար» անօդաչու թռչող սարքերի վաճառքի հարցով, խորհրդարանում հայտարարել է Ղրղզստանի արտաքին գործերի նախարարի պաշտոնակատար Ժեենբեկ Կուլուբաևը։

Նրա խոսքով՝ ղրղզական կողմն ավելի վաղ Անկարային կոչ էր արել «զգույշ վերաբերվել» Տաջիկստանին «Բայրաքթար»-ների հնարավոր վաճառքի հարցին, քանի որ պետական սահմանի ընդհանուր հատվածի սահմանազատման և սահմանագծման հետ կապված խնդիրները ղրղզական և տաջիկական կողմերի միջև դեռ ամբողջությամբ լուծված չեն։ Սակայն Թուրքիան պատասխանել է, որ «խոսքը բիզնեսի եւ ռազմատեխնիկական համագործակցության մասին է»։