Ստամբուլում թուրք ֆաշիստները վանդալիզմի են ենթարկել հայկական դպրոցը

Ստամբուլի հայաշատ Շիշլի թաղամասի Բոմոնտի շրջանի հայկական դպրոցի դարպասը վանդալիզմի է ենթարկվել. դրա վրա պատկերել են սվաստիկա։ Վանդալիզմի ակտը տեղի է ունեցել Սուրբ Զատիկի և Հայոց ցեղասպանության տարելիցին նվիրված հիշատակի միջոցառումների նախօրեին՝ ապրիլի 24-ին. հայտնում է International Christian Concern-ը։

Ստամբուլի նույն դպրոցը ոտնձգությունների է ենթարկվել 2016 թվականի նոյեմբերին, երբ դրա պատերին գրաֆիտի էր հայտնվել՝ գրառումով. «Մի գիշեր մենք հանկարծակի կլինենք Ղարաբաղում»: Նշենք, որ նման արտահայտություն-սպառնալիք Թուրքիան հնչեցնում է այն ժամանակ, երբ պատրաստվում է ներխուժել որևէ երկիր, օրինակ` Կիպրոս, Իրաք, Սիրիա, նաև՝ Արցախ: