Թուրքիան բարձրացրել է զգոնության մակարդակը ծովում լողացող ականների սպառնալիքի պատճառով

Թուրքիան բարձրացրել է ականազերծման ստորաբաժանումների և այլ ծառայությունների պատրաստության մակարդակը ականների կուտակման շարունակական սպառնալիքի պատճառով։ Այս մասին չորեքշաբթի հայտնել է Թուրքիայի ազգային պաշտպանության նախարար Հուլուսի Աքարը։

«Մեր՝ ական հայտնաբերելու նավերը, ինքնաթիռները, ուղղաթիռները, անօդաչու թռչող սարքերը և սակրավորները բերվել են բարձր պատրաստության։ Մենք ուշադիր հետևում ենք իրավիճակին. երբ ահազանգ է ստացվում, մեր ուժերն անմիջապես արձագանքում են»,- նախարարի խոսքերն է մեջբերում NTV հեռուստաալիքը։

Նա նաև նշել է, որ «Սև ծովում ականների հետ կապված իրավիճակը չի հանգեցրել Բոսֆորի ծովային երթևեկության հետ կապված դժվարությունների»:

«Յուրաքանչյուր ծանուցում ուշադիր գնահատվում է: Ականներ հայտնաբերելուց հետո դրանք տեղափոխում ենք անվտանգ տարածք և վնասազերծում՝ շրջակա միջավայրին չվնասելով։ Նեղուցում երթևեկությունը շարունակվում է բնականոն հունով, դժվարություններ չկան»,- ասել է Աքարը։