Պենտագոնը հայտարարել է, որ չի պատրաստվում ուժեր տեղակայել Ֆինլանդիայում և Շվեդիայում

Ֆինլանդիայում և Շվեդիայում ԱՄՆ-ի ուժերի տեղակայման պլանավորումը, ՆԱՏՕ-ին պետությունների անդամակցության հնարավորության մասին խոսակցությունների ֆոնին, չի իրականացվում։ Այս մասին, ըստ «ՌԻԱ Նովոստի»-ի, ասել է Պենտագոնի խոսնակ Ջոն Քիրբին։

«Ես չեմ ուզում առաջ ընկնել պետությունների և դաշինքի միջև որոշումների կայացման գործընթացից։ Այս երկրներում ամերիկյան ուժերի տեղակայման ակտիվ պլանավորում չկա»,- ճեպազրույցում ասել է Քիրբին։

Նա նշել է, որ պլանավորման գործընթացը կներառի Ֆինլանդիայի և Շվեդիայի փաստացի մասնակցությունը ՆԱՏՕ-ին։

Հիշեցնենք, որ ՆԱՏՕ-ում քննարկում են սկանդինավյան երկու երկրների անդամակցությունը, ինչը անհանգստացնում է ՌԴ-ին՝ իր սահմաններին ՆԱՏՕ-ի հերթական ընդլայնման հեռանկարը: