Թուրքիան ուսումնասիրում է Բոսֆորում հայտնաբերված ականը, որպեսզի պարզի դրա պատկանելությունը

Թուրքիայի ազգային պաշտպանության նախարար Հուլուսի Աքարը կիրակի օրը հայտնել է, որ Անկարան ուսումնասիրում է Բոսֆորի նեղուցում հայտնաբերված ականը, որպեսզի պարզի դրա պատկանելությունը:

«Մենք տարբեր տեղեկություններ ենք ստացել Ռուսաստանից եւ Ուկրաինայից։ Տեղեկություն է ստացվել, որ այդ շրջանում կարող են լողացող ականներ լինել։ Հերթապահության են անցել մեր ականազերծիչ նավերը, - CNN Turk հեռուստաալիքի եթերում ասել է հանրապետության պաշտպանության նախարարը։ - Բոսֆորում հայտնաբերված ականը հին նմուշի ական է եղել։ Այն ուսումնասիրում են, որպեսզի հասկանան, թե ում է այն պատկանում։ Ներկայումս Բոսֆորի երթեւեկության համար որեւէ խոչընդոտ չկա»: