Ուկրաինան ցանկանում է, որ Թուրքիան և Եգիպտոսը դադարեն զբոսաշրջիկներ ընդունել Ռուսաստանից

Ուկրաինայի տուրգործակալների ասոցիացիան խնդրել է Թուրքիայի և Եգիպտոսի հյուրանոցատերերին՝ «ներկայացնել իրենց դիրքորոշումը» 2022 թվականին զբոսաշրջային շրջանի ընթացքում Ուկրաինայից և Ռուսաստանից հյուրերի տեղավորման վերաբերյալ:

«Մեզ համար ակնհայտ է, որ լավ գաղափար չէ երկու երկրներից հյուրեր ընդունել միաժամանակ մեկ հյուրանոցում։ Նման հարևանությունը կհանգեցնի կոնֆլիկտների և հյուրանոցային գույքի հնարավոր վնասման»,- ասվում է դիմումում։

Միևնույն ժամանակ, սոցիալական ցանցերում տեսանյութ է հայտնվել, որում ուկրաինացի զբոսաշրջային գործակալներ համարվող մարդիկ հորդորում են Թուրքիայի և Եգիպտոսի հյուրանոցներին՝ հրաժարվել «արյունոտ փողից» և դադարեցնել ցանկացած համագործակցություն ռուսական ընկերությունների և զբոսաշրջիկների հետ։