Թուրքիան չի միանա Ռուսաստանի դեմ արևմտյան պատժամիջոցներին

Թուրքիան չի միանա Ռուսաստանի դեմ արևմտյան մի շարք երկրների պատժամիջոցներին, որոնք կիրառվում են Ուկրաինայում հատուկ գործողության պատճառով։ Այս մասին կիրակի Անթալիայում դիվանագիտական ֆորումում հայտնել է Թուրքիայի արտգործնախարար Մևլութ Չավուշօղլուն։

«Մենք կարծում ենք, որ պատժամիջոցները չեն լուծի խնդիրը,- պատասխանել է նա Ռուսաստանի դեմ պատժամիջոցներ կիրառելու վերաբերյալ Թուրքիայի դիրքորոշման մասին հարցին։- Օրինակ՝ օդային տարածքի փակումը։ Մենք չենք կարող այն փակել՝ համաձայն Մոնտրյոյի կոնվենցիայի։ Դա իրավական պարտավորություն է»:

Միևնույն ժամանակ, շաբաթ օրը ՆԱՏՕ-ի գլխավոր քարտուղար Իենս Ստոլտենբերգը դիվանագիտական ֆորումի շրջանակներում ասել է, որ Հյուսիսատլանտյան դաշինքն ակնկալում է, որ իր բոլոր անդամները սահմանափակումներ կմտցնեն Մոսկվայի դեմ։ Նրա խոսքով՝ ՆԱՏՕ-ի այս դիրքորոշումը նա ներկայացրել է Թուրքիայի ԱԳՆ ղեկավարին։