ԵՄ-ն Լուկաշենկոյի վարչակազմին համարում է «համագրեսոր» Ուկրաինայի դեմ Ռուսաստանի պատերազմում

Եվրամիությունը Բելառուսին կոչ է արել չմասնակցել ռուսական ագրեսիային և կատարել իր միջազգային պարտավորությունները։

«Ռուսաստանը, Բելառուսում Լուկաշենկոյի վարչակարգի մասնակցությամբ` որպես համագրեսոր, կրում է ողջ պատասխանատվությունը մարդկային կորուստների, վնասվածքների և ավերածությունների համար»,- ասվում է Վիեննայում ԵԱՀԿ Մշտական խորհրդի արտահերթ նիստում տարածված հայտարարության մեջ։

«Նախագահ Պուտինի լայնամասշտաբ պատերազմն Ուկրաինայի դեմ միջազգային իրավունքի և ՄԱԿ-ի կանոնադրության կոպտագույն խախտում է և խաթարում է եվրոպական ու համաշխարհային անվտանգությունը և կայունությունը։ Անցյալ շաբաթ ՄԱԿ-ի պատմական բանաձևը ցույց տվեց, որ միջազգային հանրությունը միասնական է ռուսական նվաճողական պատերազմի դեմ»,- ասվում է հայտարարության մեջ։