Ողջամիտ հիմքեր ունեմ մտածելու, որ իմ նկատմամբ մոտեցումը եղել է խտրական. Վազգեն Ռշտունի

Առաջիկայում կլինի որոշումը, և բոլորը կկարողանան գնահատել այն: Այս մասին լրագրողների հետ զրույցում ասաց Վերաքննիչ դատարանի դատավոր Վազգեն Ռշտունին: Նրա խոսքով՝ իր աշխատաոճը երբեք պայմանավորված չի եղել այս կամ այն անձին հաճոյանալու հետ, դա պետք է լինի յուրաքանչյուր դատավորի համար սկզբունքային:

ՀՀ արդարադատության նախարար Կարեն Անդրեասյանը կարգապահական վարույթ է հարուցել ՀՀ վերաքննիչ քրեական դատարանի նախկին նախագահ Վազգեն Ռշտունու նկատմամբ: Նախարարը կարգապահական վարույթը հարուցել է այն պատճառով, թե դատավոր Վազգեն Ռշտունին երկարատեւ արձակուրդ գնալու պատճառով քրեական գործերը վերամակագրման է հանձնել: