Ադրբեջանցինե՛ր, հիշեք, թե ինչ եղավ, երբ ՀՀ-ի ղեկին էին ոչ թե պոպուլիստները, այլ իրական առաջնորդները

Ողջունում եմ բոլոր հյուրերին, Դուք այստեղ եք եկել բարի մտադրություններով, պատասխանը նույնն է լինելու, նրանք, ովքեր գալիս են վատ մտադրություններով, դառնում են երկրներ, որոնք վերանում են: Այս մասին Եվրանեսթ խորհրդարանական վեհաժողովի հանձնաժողովների նիստում ելույթ ունենալիս ասաց «Հայաստան» խմբակցության պատգամավոր Արթուր Ղազինյանը:

«Ես զարմացած եմ, որ այն ամենը, ինչ կատարեցին Ադրբեջանն ու Թուրքիան, որևէ սանկցիա եվրոպական երկրների կողմից չհաջորդեց: Այսօր Հայաստանը բախվել է նաև լրջագույն խնդրի՝ պոպուլիզմի, բայց դա հեշտ լուծվող հարց է։ Ես ուզում եմ դիմել մեր ադրբեջանցի գործընկերներին․ մենք՝ բոլորս, պոպուլիստ չենք, մի՛ մոռացեք, Լեռնային Ղարաբաղը եղել և մնալու է հայկական, դա աշխարհում ապրող ամեն հայի սուրբ պարտականությունն է»,- ասաց նա: