Զախարովան ծաղրել է «Bloomberg»-ին` հորդորելով «վերանայել» Ուկրաինայի վրա հարձակման օրվա կանխատեսումը

ՌԴ ԱԳՆ պաշտոնական ներկայացուցիչ Մարիա Զախարովան առաջարկել է Bloomberg-ին՝ ճշտել Ուկրաինայի վրա Ռուսաստանի Դաշնության «հարձակման» մասին կանխատեսումը։

«Բոլորս հիշում ենք, որ ամերիկյան Bloomberg գործակալությունը հաղորդագրություն էր հրապարակել, որ փետրվարի 15-ին «Ռուսաստանը հարձակվելու է Ուկրաինայի վրա», արդյո՞ք այս զանգվածային ապատեղեկատվության միջոցը չի ցանկանում հստակեցնել կանխատեսումը»,- գրել է Զախարովան իր Telegram ալիքում։

Նրա խոսքով՝ «մի քանի ժամ է մնացել ապաշխարությանը, մինչև Bloomberg-ը դդմի վերածվի, իսկ նրանք, ովքեր դա օգտագործել են պատերազմը խթանելու համար, վերածվեն առնետների»։

Նշենք, որ փետրվարի 12-ին ամերիկյան Bloomberg լրատվական գործակալությունը նշել էր Ուկրաինա Ռուսաստանի ներխուժման հավանական ամսաթիվը՝ փետրվարի 15։