Հայաշատ Սոչիի իշխանությունները որոշել են տոնել Ադրբեջանի հաղթանակը Հայաստանի նկատմամբ

Կրասնոդարի երկրամասի Սոչի քաղաքային շրջանի քաղաքապետարանի 2021 թվականի դեկտեմբերի 27-ի թիվ 3222 «2022 թ. տոների, հիշարժան օրերի և տարեդարձների, նշանակալից իրադարձությունների և միջոցառումների օրացուցային պլանը հաստատելու մասին» որոշման մեջ, ի շարս այլ իրադարձությունների, նշվել է նաև «Ադրբեջանի Հանրապետության 2020 թվականի Հայրենական պատերազմում հաղթանակի օրը». հայտնում է ռուսական Readovka թելեգրամյան ալիքը:

Հիշեցնենք, որ Ռուսաստանում վերջին շրջանում պրոադրբեջանական քարոզչությունն ավելացել է. վերջերս Ադրբեջանն ու ՌԴ-ում ադրբեջանական շահերը սպասարկողները արշավ էին սկսել Գարեգին Նժդեհի մասին պատմող ֆիլմի ցուցադրության դեմ: