Սպիտակ տունը պատժամիջոցներ է նախապատրաստում Պուտինի շրջապատի դեմ

ԱՄՆ-ը պատրաստել է ՌԴ նախագահի շրջապատից մարդկանց ցուցակ, որոնց նկատմամբ կարող են տնտեսական պատժամիջոցներ սահմանվել Ուկրաինայի դեմ ռուսական պոտենցիալ ագրեսիայի դեպքում։ Այս մասին ճեպազրույցում հայտնել է Սպիտակ տան մամուլի քարտուղար Ջեն Փսակին։

«Մեր բացահայտած անձինք մոտ են Կրեմլին կամ նրա շրջապատին և դեր են խաղում կառավարության որոշումների կայացման մեջ կամ ներգրավված են Ռուսաստանի ապակառուցողական գործողություններում։ Այս մարդկանցից շատերը հատկապես խոցելի են Արևմուտքի հետ ունեցած ֆինանսական խոր կապերի պատճառով: Հետևաբար, արևմտյան ֆինանսական համակարգերի հետ կապված պատժամիջոցները կվնասեն նրանց։ Հավելենք, որ դա Ռուսաստանին բոլոր կողմերից վնասելու մեր ջանքերի մի մասն է»,- ասել է Փսակին։