Մեծ Բրիտանիան և Եվրամիությունը նոր «գազային» պատժամիջոցներ են պատրաստում Ռուսաստանի դեմ

Մեծ Բրիտանիան և ԵՄ-ն նոր պատժամիջոցների փաթեթ են մշակում գազի ոլորտում ռուսական նախագծերի դեմ, որոնք նախատեսվում է կիրառել Ուկրաինայում իրավիճակի սրման դեպքում. գրում է Financial Times-ը՝ հղում անելով աղբյուրներին։

Հրատարակության տվյալներով՝ պատժամիջոցներին աջակցում է ԱՄՆ-ը։ Մշակվող միջոցառումների նպատակն է սահմանափակել ֆինանսական և տեխնոլոգիական ներդրումները` կապված այս ոլորտում ռուսական նախաձեռնությունների հետ։

Նշվում է, որ Ռուսաստանի ածխաջրածնային հսկայական արդյունաբերությանը հարվածելու՝ Եվրոպայի պատրաստակամությունը կարող է ազդել նաև եվրոպական ընկերությունների վրա, այդ թվում՝ British Petroleum-ի, Total-ի և Shell-ի, որոնք ներդրումներ են կատարում ռուսական գազի ոլորտում: Սա առաջին դեպքն է, երբ Եվրոպան մտածում է ռուսական գազի արդյունաբերության սահմանափակումների մասին, որն ապահովում է այս տեսակի վառելիքի տարածաշրջանի կարիքների 40%-ը։