Կոմիտասի և յոժական մշակույթի համեմատությունը Ձեր օգտին չէ. Լիլիթ Գալստյանը՝ ՀՌՀ անդամի թեկնածուին

Երկու օր է՝ ԱԺ ամբիոնից խոսվում է օրենքի և սուտ չխոսելու կարևորության մասին, հիմա այս համատեքստում ներկայացնեմ ՀՌԱՀ անդամ Արթուր Մանուկյանի կենսագրությունը: Այս մասին իր ելույթում ասաց «Հայաստան» խմբակցության պատգամավոր Լիլիթ Գալստյանը:

«Իր կենսագրական մեջ պարոն Մանուկյանը նշում է, որ ինքը 98-2002 թվականներին եղել է Ա1+ հեռուստաընկերության ռեժիսոր, իսկ աշխատանքային գրքույկում տեսնում ենք, որ 99-2001 թվականները ինքն եղել է հաշվառված Աշխատանքի և զբաղվածության կենտրոնում և անգամ ստացել է գործազրկության նպաստ»,- ասաց նա:

Լիլիթ Գալստյանը անճշտություններ ներկայացրեց նաև մյուս աշխատատեղերի մասով: Պատգամավորի խոսքով՝ ինքը սրան չէր անդրադառնա, եթե անկեղծության մասին խոսելիս հետո դիսհարմոնիա չառաջանար: