ԵՄ-ն երկարաձգել է Ռուսաստանի դեմ պատժամիջոցները

Եվրամիությունը հինգշաբթ ևս վեց ամսով երկարաձգել է Ռուսաստանի դեմ տնտեսական պատժամիջոցները։

«Այսօր Խորհուրդը (Եվրամիության) որոշում է կայացրել վեց ամսով երկարաձգել Ռուսաստանի Դաշնության տնտեսության որոշ հատվածների նկատմամբ ներկայումս գործող սահմանափակող միջոցները՝ մինչև 2022 թվականի հուլիսի 31-ը»,- ասվում է ԵՄ խորհրդի հայտարարության մեջ։

Դեկտեմբերի գագաթնաժողովում ավելի վաղ ԵՄ առաջնորդները հավանություն էին տվել Ռուսաստանի դեմ պատժամիջոցների երկարաձգմանը` Մոսկվայի կողմից մինսկյան համաձայնագրերով ստանձնած պարտավորությունները չկատարելու պատճառով։

ԵՄ-ն 2014 թվականից պատժամիջոցներ է կիրառում Ռուսաստանի ֆինանսական, ռազմական և էներգետիկ ոլորտների նկատմամբ՝ Մոսկվային մեղադրելով Ուկրաինայում ապակայունացնող գործունեության մեջ։