Վահան Քերոբյանը ցավում է զոհերի համար, բայց դեմ չէ թուրքական ապրանքներին․ Վահան Քերոբյան

Երբ կառավարությունը որոշեց, որ պետք է հանվեն սահմանափակումները, առաջնորդվեց քաղաքական նկատառումներով․ լրագրողների հետ ճեպազրույցում ասաց Էկոնոմիկայի նախարար Վահան Քերոբյանը՝ անդրադառնալով թուրքական ապրանքների ներկրման արգելքի վերացմանը։

«Մենք կարծում ենք, որ, որպես պատասխանատու մարմին, պետք է ուշիուշով հետևենք և ամեն կերպ պաշտպանենք այն ընկերություններին, որոնք վերջին մեկ տարվա ընթացքում բացվել են, և այնպես անենք, որպեսզի իրենց կայացումը չվտանգվի»,- ասաց նա։

Քերոբյանը նաև հավելեց, որ ինքն անձամբ կողմնակից է եղել թուրքական ապրանքների արգելքի երկարացմանը, բայց քանի որ կառավարությունը կոլեգիալ մարմին է, միասնական այսպիսի որոշում է կայացվել։