Ղազախստանը ՀԱՊԿ-ն գերադասել է Թյուրքական խորհրդից

Թուրքիայի արտաքին գործերի նախարար Մևլութ Չավուշօղլուն անդրադարձել է Ղազախստանում Թյուրքական պետությունների կազմակերպության առցանց գագաթնաժողովի օրվան, որը, հիշեցնենք, տեղի կունենա այսօր՝ հունվարի 11-ին։

«Ոմանք հարցնում են` «ինչո՞ւ այս հանդիպումը ավելի վաղ չանցկացրիք» (այսինքն՝ բոլորից առաջ, ներառյալ՝ ՀԱՊԿ-ից): Կուզենայինք դա անել առաջին օրը (անկարգությունների), բայց չէ՞ որ Ղազախստանը Թյուրքական պետությունների կազմակերպության անդամ է։ Ճի՞շտ կլինի հանդիպումն անցկացնել առանց Ղազախստանի։ Անհնարին է։ Կարո՞ղ ենք հայտարարություն անել: Անհնարին է։ Մենք նաև խորհրդակցել ենք նրանց հետ (Ղազախստանի)»,- ասել է նա։

Չավուշօղլուի խոսքերից կարելի է ենթադրել, որ ոչ թե Թյուրքական պետությունների կազմակերպությունն է «դանդաղեցրել» Ղազախստանի ճգնաժամին ի պատասխան առաջին քայլերը, այլ հենց Ղազախստանն իր առաջնահերթությունները կապել է ՀԱՊԿ-ի հետ։