ՌԴ-ն Ղազախստանի առջև 4 պայման է դրել. թուրքական Akit

Թուրքական Akit թերթը, որը հայտնի է իր սկանդալային ձևակերպումներով ու հայտարարություններով, թուրքական առաջին պարբերականներից էր, որն անդրադարձել է Ղազախստանում տեղի ունեցող իրադարձություններին: Իր գաղափարախոսությամբ թուրքական իշխանություններին ամենաշատ հարող պարբերականներից է։

Հղում անելով «ինչ-որ մեկի պնդմանը»՝  թերթը գրում է, թե Ռուսաստանը, ի պատասխան Ղազախստանին օգնություն տրամադրելու խնդրանքին, իբր չորս պայման է դրել` Ղրիմի ճանաչում, ռուսաց լեզվի վերականգնում՝ որպես երկրորդ պետական լեզու, ռազմաբազաների տրամադրում Ռուսաստանին, ռուսական փոքրամասնությանը ինքնավարության տրամադրում:

Հիշեցնենք, որ վերջին շրջանում Ղազախստանում սկսել են աստիճանաբար հրաժարվել ռուսերենից: