Չինաստանը դեմ է Եվրոպայում ամերիկյան հրթիռների տեղակայմանը

Չինաստանի ԱԳՆ-ն դեմ է արտահայտվել Եվրոպայում և Ասիական-խաղաղօվկիանոսյան տարածաշրջանում ԱՄՆ-ի միջին հեռահարության ցամաքային հրթիռների տեղակայմանը. հայտնում է РИА Новости-ն՝ հղում անելով Չինաստանի ԱԳՆ-ին։

«Չինաստանը կտրականապես դեմ է, որ Միացյալ Նահանգները ցանկացած ձևով միջին հեռահարության ցամաքային հրթիռներ տեղակայի Ասիական-խաղաղօվկիանոսյան տարածաշրջանում և Եվրոպայում»,- ասվում է նախարարության հայտարարության մեջ:

Նախարարությունն ընդգծել է, որ երկիրը հավատարիմ է ազգային պաշտպանության քաղաքականության պաշտպանական բնույթին և հավատարիմ է առաջին հերթին միջուկային զենքի չկիրառման քաղաքականությանը։

«Չինաստանը երբեք միջուկային զենք չի տեղակայել իր տարածքից դուրս և երբեք միջուկային հովանոց չի տրամադրել այլ երկրների»,- հավելել է նախարարությունը և հավելել, որ Ռուսաստանի և Չինաստանի միջև անհրաժեշտ է կնքել ռուս-ամերիկյան «START III» պայմանագրի նմանօրինակը։