Ճղճիմ մարդու վրեժխնդրություն է. Լևոն Քոչարյանը՝ Սյունիքի համայնքապետերին կալանավորելու մասին

Արդեն նշել ենք, որ Սյունիքի մարզի ընդհանուր իրավասության դատարանի Գորիսի նստավայրում ընթանում է Գորիսի նորընտիր համայնքապետ Առուշ Առուշանյանի և մյուսների գործով դատական նիստը:

Դատական նիստին մասնակցում է նաև երկրորդ նախագահ Ռոբերտ Քոչարյանի որդին՝ Լևոն Քոչարյանը: Նա լրագրողների հետ զրույցում նշեց, որ եկել է աջակցելու Առուշ Առուշանյանին անարդարության դեմ պայքարում:

«Այն, ինչ կատարվում է Սյունիքի համայնքապետերի նկատմամբ, անձնական վրեժխնդրության հետևանք է։ Բոլորս էլ հիշում ենք իշխանության այցը Սյունիքի մարզ, կալանավորված տղաների վերաբերմունքը նրանց նկատմամբ: Նման տղաների ազատությունից զրկելը, որոնք կարողացել են կազմակերպել Սյունիքի պաշտպանությունը, զենք են վերցրել, կարող է անվտանգային հարցեր առաջացնել»,- ասաց նա: