Բուլղարիայում ավտոբուսի վթարի հետևանքով առնվազն 46 մարդ է զոհվել. վերադառնում էին Թուրքիայից

Բուլղարիայի մայրաքաղաքի մոտ տեղի ունեցած խոշոր ավտովթարի հետևանքով, նախնական տվյալներով, առնվազն 46 մարդ այրվել է, այդ թվում՝ 12 երեխա,  7 մարդ հոսպիտալացվել է։

NOVA հեռուստաալիքի հաղորդմամբ՝ դեպքը տեղի է ունեցել Բուլղարիայի մայրաքաղաքից արևմուտք գտնվող Պեռնիկ քաղաքի մոտ գտնվող Բոսնեց գյուղի տարածքում, հրդեհվել է Հյուսիսային Մակեդոնիայի պետհամարանիշով մարդատար ավտոբուս՝ բախվելով արգելապատնեշին։ Բոլոր մահացածները Հյուսիսային Մակեդոնիայի քաղաքացիներ էին։

Տուժածները տեղափոխվել են Սոֆիայի հիվանդանոց։

Ճանապարհի այն հատվածում, որտեղ տեղի է ունեցել վթարը, ոստիկանները փակել են երթեւեկությունը։

Հաղորդվում է, որ ավտոբուսը Ստամբուլից էր վերադառնում: