Էրդողանն ու Մակրոնը քննարկել են Հարավային Կովկասում «3+3» ձևաչափի ստեղծումը

Թուրքիայի նախագահ Ռեջեփ Թայիփ Էրդողանը հայտարարել է, որ իր ֆրանսիացի գործընկեր Էմանուել Մակրոնի հետ քննարկել է Հարավային Կովկասում «վեցյակի հարթակի» գաղափարը:

«Մակրոնը բարձրացրել է Հարավային Կովկասում իրավիճակի հարցը։ Մենք ասել ենք, որ անցյալ շաբաթ եղել ենք Ադրբեջանում, եւ ներկայումս Հարավային Կովկասում դրական քայլեր են ձեռնարկվում, եւ մեր եղբայր Իլհամ Ալիեւը վճռականորեն ցանկանում է շարունակել այդ դրական քայլերը... Մակրոնի հետ հանդիպման ժամանակ առաջին պլան է մղվել տարածաշրջանում վեցակողմ պլատֆորմ ստեղծելու հարցը: Ռուսաստանը, Ադրբեջանը, Թուրքիան, Իրանը, Վրաստանն ու Հայաստանը, եթե նրանք բոլորը համաձայնեն, մենք այստեղ խաղաղության հարթակ կստեղծենք», - ասել է Էրդողանը։