Երեւանում բացվել է Digitec Expo ամենամյա ցուցահանդեսը

Երեւանում այսօր՝ հոկտեմբերի 29-ին, բացվել է Digitec Expo ամենամյա ցուցահանդեսը։ Արդեն 16-րդ անգամ անցկացվող ցուցահանդեսը կազմակերպվում է DigiWeek2021-ի շրջանակներում։ Այն կդառնա բոլոր նախորդներից ամենախոշորը՝ ավելի քան 1400 քմ տարածքով եւ ավելի քան 100 ընկերությունների մասնակցությամբ։

Ավելի վաղ հաղորդվել է, որ Digiweek 2021-ը Հայաստանում մեկնարկել է հոկտեմբերի 27-ին։ Միջոցառման նպատակը, որը կտեւի մինչեւ նոյեմբերի 3-ը, ամբողջ աշխարհի հայերին համախմբելն է բարձր տեխնոլոգիաների զարգացման հնարավորությունների շուրջ։ Առաջատար տեխնոլոգիաների ձեռնարկությունների միության խորհրդի նախագահ Ալեքսանդր Եսայանն իր խոսքում նշել է նման միջոցառման անցկացման կարեւորությունը, որը տարեցտարի ընդլայնվում է թե՛ քանակական, թե՛ որակական առումներով։