ԱՄՆ-ում հայտնվել է առաջին տրանսգենդեր ծովակալը

ԱՄՆ առողջապահության դեպարտամենտի ղեկավարի տեղակալ Ռեյչել Լևինը նշանակվել է ԱՄՆ հանրային առողջապահության սպայական կորպուսի ծովակալ: Այսպիսով, նա դարձել է առաջին տրանսգենդերը, ով նման բարձր պաշտոն է ստացել ամերիկյան ռազմական բարձրաստիճան մակարդակում:

Լևինի ղեկավարությամբ այժմ կա մոտ 6 հազար բուժաշխատող, որոնց խնդիրները ներառում են լայնածավալ ճգնաժամերի հետևանքների վերացում, ինչպիսիք են կորոնավիրուսային համաճարակը կամ բնական աղետները:

Լևինը նախկին մանկաբույժ էր և հանդես էր գալիս ի պաշտպանություն իր նման մարդկանց իրավունքների: Նա իր երդմնակալությունը որակել է որպես պատմական պահ և հույս հայտնել, որ իրեն հետևելով՝ ԼԳԲՏ համայնքի ներկայացուցիչները կկարողանան հավասարապես կարևոր պաշտոններ զբաղեցնել: