Արթուր Ղազինյանը վեցերորդ անգամ չընտրվեց ԱԺ Պաշտպանության և անվտանգության հարցերի մշտական հանձնաժողովի փոխնախագահի պաշտոնում

ՀՀ ԱԺ պաշտպանության և անվտանգության հարցերի մշտական հանձնաժողովի արտահերթ նիստ էր հրավիրել։ Օրակարգում հանձնաժողովի նախագահի տեղակալի ընտրության հարցն էր։ «Հայաստան» խմբակցությունը վեցերորդ անգամ առաջադրել էր Արթուր Ղազինյանի թեկնածությունը։

Ընդդիմությունն այս անգամ չմասնակցեց քվեարկությանը և հեռացավ նիստից։ 

«Ունեք քաղաքական որոշում և քաղաքական հրահանգ ձեր ղեկավարից իմ թեկնածությանը դեմ քվեարկելու։ Հետևաբար, ինքնանպատակ հարցուպատասխանի, ինքնանպատակ արձագանքների, ելույթների մասով օրակարգում իմ մասնակցությունը նպատակահարմար չէ»,- հայտարարեց հանձնաժողովի փոխնախագահի թեկնածու Արթուր Ղազինյանը, որը, հիշեցնենք, արդեն հինգ անգամ չի ընտրվել այդ պաշտոնում։

Հարցը դրվեց քվեարկության, և Ղազինյանը վերցերորդ անգամ չընտրվեց հանձնաժողովի փոխնախագահի պաշտոնում։