ԵԱՀԿ Մինսկի խումբը նախատեսում է վերսկսել բանակցությունները Հայաստանի և Ադրբեջանի արտգործնախարարների հետ

Ռուսաստանի փոխարտգործնախարար Անդրեյ Ռուդենկոն հայտարարել է, որ ԵԱՀԿ Մինսկի խմբի համանախագահները Նյու Յորքում՝ ՄԱԿ-ի Գլխավոր ասամբլեայի շրջանակում, ծրագրում են բանակցություններ վարել Հայաստանի և Ադրբեջանի արտգործնախարարների հետ: Այս մասին հայտնում է ՏԱՍՍ-ը:

«Ներկայումս երեք համանախագահները ծրագրում են հանդիպել Հայաստանի և Ադրբեջանի արտգործնախարարների հետ Նյու Յորքում՝ ՄԱԿ-ի Գլխավոր ասամբլեայի շրջանակում: Եթե դա տեղի ունենա, լավ նշան կլինի, որ երկու երկրների միջև հարաբերությունների կարգավորման գործընթացը գործնական տեսք է ստացել: Մենք շարունակում ենք Մինսկի խումբը դիտարկել որպես խաղաղ գործընթացն առաջ մղելու կարևոր գործիք»,- ասել է Ռուդենկոն: