ՌԴ ԱԳՆ-ն նշել է, թե երբ կվերականգնվեն թռիչքները Վրաստանի հետ

Ռուսաստանից դեպի Վրաստան օդային երթևեկության արգելքը, որը մտցվել էր 2019 թվականին, հարկադիր միջոց էր և ժամանակավոր. սանիտարահամաճարակային իրավիճակի կայունացումից հետո հնարավոր կլինի վերսկսել թռիչքները. ասել է ՌԴ փոխարտգործնախարար Անդրեյ Ռուդենկոն:

«2019 թվականի հուլիսին Ռուսաստանի ավիաընկերությունների կողմից թռիչքների արգելքը, հայտնի հակառուսական սադրանքի հետևանքով, հարկադրված միջոց էր: Համոզված ենք, որ այդ միջոցը ժամանակավոր է: Հույս ունենք, որ վրացական իշխանությունները դասեր են քաղել անցյալից, և, կորոնավիրուսային վարակի տարածման հետ կապված համաճարակաբանական իրավիճակի կարգավորմամբ, հնարավոր կլինի վերադառնալ թռիչքների վերսկսման հարցը քննարկելուն»,- ասել է Ռուդենկոն ՌԻԱ «Նովոստի»-ին տված հարցազրույցում: