Անկարան դեմ չէ «Թալիբան» ահաբեկչական կազմակերպության գաղափարախոսությանը

Թուրքիայի նախագահ Ռեջեփ Թայիփ Էրդողանը հայտարարել է, որ Անկարան ոչինչ չունի «Թալիբան» շարժման գաղափարախոսության դեմ: Նրա խոսքով՝ Քաբուլի օդանավակայանի անվտանգությունն ապահովելու համար Թուրքիայի կառավարությունը կկարողանա բանակցել խմբավորման հետ Թուրքիայի զինված ուժերի տեղակայման շուրջ:

Ըստ Cumhuriyet թերթի՝ Էրդողանն ասել է. «Թալիբները պետք է կարողանան բանակցել Թուրքիայի հետ, քանի որ Թուրքիան հակասական հարցեր չունի իրենց հավատքի վերաբերյալ»:

Հիշեցնենք, որ «Թալիբան»-ը հայտարարել էր, որ իրենք Թուրքիային կդիտարկեն որպես օկուպանտ և պատրաստ են կռվել, եթե Թուրքիան իր զորքերը դուրս չբերի Աֆղանստանից: