Հարավային Կովկասում խաղաղությունն ու բարգավաճումը կարևոր են ԵՄ-ի համար. Ավստրիայի ԱԳՆ

Հարավային Կովկասում կայունությունը, խաղաղությունն ու բարգավաճումը շատ կարևոր են ԵՄ-ի համար. հայտարարել է Ավստրիայի արտաքին գործերի նախարար Ալեքսանդր Շալենբերգը  Լիտվայի և Ռումինիայի արտգործնախարարների հետ Հարավային Կովկաս կատարելիք այցից առաջ կայացած համատեղ ասուլիսում:

«Այս այցը լավագույն ապացույցն է այն կարևորության, որը ԵՄ-ն հատկացնում է Հարավային Կովկասին: Այս տարածաշրջանը մեր սերտ հարևանն է, կայունությունը, անվտանգությունն ու բարեկեցությունն այս տարածաշրջանում կարևոր են ԵՄ-ի համար: Մենք պետք է մասնակցենք այս տարածաշրջանում տեղի ունեցող գործընթացներին, մենք այստեղ շահեր ունենք: Մենք չենք կարող Հարավային Կովկասը տրամադրել այլ դերակատարների և չպետք է դա անենք»,- նշում է Ավստրիայի ԱԳ նախարարը: