«Հերթական քաղաքական ճնշումը». «Հայաստան» դաշինքի անդամը հրավիրվել է ՀՔԾ

Այսօր ՀՀ հատուկ քննչական ծառայություն է հրավիրվել նախկինում Սյունիքի մարզպետարանի աշխատակազմի ղեկավար, այժմ «Հայաստան» դաշինքի նախընտրական շտաբի մարզային աշխատանքների համակարգող Ռուդոլֆ Սարգսյանը․ հաղորդում է փաստաբան Էրիկ Ալեքսանյանը։

Նա նշել է, որ Սարգսյանը հարցաքննության է հրավիրվել մի քրեական գործով, որը հարուցվել է դեռևս 2020 թվականի մարտ ամսին, և որը վերաբերում է 2017 թվականին Սյունիքի նախկին մարզպետ, այժմ «Հայաստան» դաշինքի առաջնորդներից Վահե Հակոբյանի պաշտոնավարման ժամաnակահատվածում ի պաշտոնե իրականացրած գործառույթներին։ 

«Ռուդոլֆ Սարգսյանը հրաժարվել է ցուցմունք տալ և պատասխանել որևէ հարցի, որն իրեն է վերաբերում՝ որակելով Հատուկ քննչական ծառայության գործելաոճը հերթական քաղաքական ճնշում ՀՀ երկրորդ նախագահ Ռոբերտ Քոչարյանի ղեկավարած դաշինքի թիմակիցների նկատմամբ»,- նշել է փաստաբանը։