2-3 օր է՝ Սիսիանի համայնքապետարանի աշխատակիցները դիրքերում են. մամուլի խոսնակ

Սյունիքի մարզի Սիսիանի սահմանային հատվածում հակառակորդի կողմից կրակոցներ են հնչել կան վիրավորներ: Լուրը ճշտելու նպատակով Yerkir.am-ը կապ հաստատեց Սիսիանի համայնքի ղեկավարի մամուլի խոսնակ Անի Սիմոնյանի հետ:

«Թե ինչ կրակոցների մասին է խոսքը չեմ կարող ասել: Նշեմ, որ արդեն 2-3 օր է ինչ համայնքապետարանի տղամարդ աշխատակիցները, ավագանու անդամները՝ համայնքի ղեկավարի գլխավորությամբ կամավորագրվել և դիրքեր են բարձրացել»,- ասաց Սիմոնյանը:

Սիսիանում խուճապ չէ, բայց տագնապ կա. փոխանցեցին Yerkir.am-ին:

Նշենք, որ Սիսիանի շրջանը Նախիջևանի հետ ունի 51 կմ երկարության սահման, իսկ նոյեմբերի 10-ի կապիտուլացիոն համաձայնագրի ստորագրումից հետո սահմանակից դարձավ նաև նույն հայտարարությամբ և առանց կրակոցի թշնամուն հանձնված Քարվաճառի շրջանին: