Ուժեղ երկրաշարժ՝ Իրանում. կան տուժածներ

Առնվազն երեք մարդ է վիրավորվել երկուշաբթի առավոտյան Իրանի հյուսիս-արևելքում տեղի ունեցած երկրաշարժից: Այս մասին հայտնում է IRNA գործակալությունը՝  հղում կատարելով Իրանում Կարմիր մահիկի ընկերության մասնաճյուղերից մեկի ղեկավար Մեհդի Վալիպուրին:

Նրա խոսքով՝ ներկայումս 11 փրկարարական ջոկատներ են ուղարկվել երկրի հյուսիս-արևելք՝ երկրաշարժից տուժածներին օգնություն ցուցաբերելու:

Եվրոպական-միջերկրածովյան սեյսմոլոգիական կենտրոնի վերջին տվյալների համաձայն՝ երկրաշարժի ուժգնությունը կազմել է 5,3 բալ: Ստորգետնյա ցնցումների էպիկենտրոնը գտնվել է Բոջնուրդ քաղաքից 50 կմ հարավ-արևմուտք, որտեղ բնակվում է 192 հազար մարդ: Էպիկենտրոնը տեղակայված է 10 կմ խորության վրա: