Համաշխարհային հանրությունը պետք է դաս տա Իսրայելին. Էրդողան

Կիրակի օրը հաղորդվել է Թուրքիայի և Իրանի նախագահներ Ռեջեփ Թայիփ Էրդողանի և Հասան Ռոհանիի հեռախոսազրույցը:

Մտքերի փոխանակություն է տեղի ունեցել թուրք-իրանական հարաբերությունների և Պաղեստինում տիրող իրավիճակի վերաբերյալ:

Էրդողանը իրանցի գործընկերոջ հետ զրույցում խստորեն դատապարտել է Իսրայելի կողմից պաղեստինյան հողերում իրականացված անօրինականությունը, ներառյալ՝ հարվածները Գազայի հատվածին: Ըստ նրա՝ Անկարայի դիրքորոշումը Պաղեստինին աջակցելու հարցում կմնա որոշիչ ու անփոփոխ:

Էրդողանը հավելել է, որ միջազգային հանրությունը պետք է Իսրայելին ծանր դաս տա՝ Պաղեստինի վրա հարձակումները զսպելու և կանխելու համար: Նա նաև շեշտել է պաղեստինյան խնդրի շուրջ իսլամական երկրների ջանքերը միավորելու անհրաժեշտությունը: