Ռուսաստանը և Հայաստանը մի շարք միջոցառումներ կնախապատրաստեն` ի նշանավորումն դիվանագիտական հարաբերությունների 30-ամյակի. Լավրով

Ռուսաստանի և Հայաստանի միջև դիվանագիտական հարաբերությունների հաստատման 30-ամյակի և Բարեկամության, համագործակցության և փոխօգնության պայմանագրի 25-ամյակի առթիվ հաջորդ տարվա համար կնախապատրաստվեն մի քանի կարևոր միջոցառումներ: Այս մասին հինգշաբթի հայտարարել է Ռուսաստանի արտգործնախարար Սերգեյ Լավրովը Հայաստանի արտգործնախարարի պաշտոնակատար Արա Այվազյանի հետ բանակցություններից հետո կայացած մամուլի ասուլիսում:

«Այդ ծրագիրը պատրաստվում է հաջորդ տարվա համար։ Մենք պայմանավորվել ենք, որ մեր աշխատակիցները կնախապատրաստեն համապատասխան նախաձեռնությունները»,- ասել է նա և հավելել․ «Վստահեցնում եմ, որ այն գեղեցիկ ու լավ կընդունվի մեր քաղաքացիների կողմից»: