Գերմանիան սկսել է զորքը և տեխնիկան դուրս բերել Աֆղանստանից

Գերմանիայի զինված ուժերի առաքելությունն Աֆղանստանում ավարտվում է. Բունդեսվերը սկսում է տեխնիկայի և զորքերի դուրսբերումը: Այս մասին ուրբաթ հայտարարել է Գերմանիայի պաշտպանության նախարարությունը:

«Մեր խնդիրն ավարտվել է: Այսօրվանից սկսվում է զորքերի դուրսբերումը: Բազմանպատակային ուղղաթիռներից մինչև բեռնատար ամբարձիչներ՝ ամեն  ինչ տեղափոխվում է Գերմանիա»,- հայտնել է գերատեսչությունը:

Առաջին փուլում խոսքը  տեխնիկայի 123 միավոր դուրս բերելու մասին է: Գործընթացների անվտանգությունն ապահովում են հատուկջոկատայինները: Աֆղանստանում գերմանական զորամիավորումն ունի մոտ 1000 զինծառայող, հիմնականում՝ ռազմական հրահանգիչներ: Ակնկալվում է, որ զորքերի դուրսբերումը կտևի մինչ սեպտեմբեր:

Հիշեցնենք, որ ԱՄՆ–ը և ՆԱՏՕ–ն նույնպես սկսել են զորքերը դուրս բերել Աֆղանստանից։